( صحيفة حرب الإعلامية ) :
أجرت صحيفة حرب الإعلامية لقاء مع الشاعر عبدالكريم بجاد البدراني
حوار : مشعل محمد الطريسي
س: نود تزويدينا بالبطاقة الشخصية ؟
ج: عبدالكريم بن بجاد بن مجري البدراني
من مواليد الشبيكية عام ١٤٠٨ ولازلت من سكانها
س: متى أكتشف الشاعر عبدالكريم بن بجاد البدراني موهبه الشعر التي بداخله ؟
ج: لا أعلم بالضبط ولكن الموهبة موجودة منذ الصغر
س:ماهوأول غرض شعري كتبت عليه ؟
ج: تقريباً القصيدة الاجتماعية
س: أول قصيدة كتبتها في بداياتك هل تعتقد أنها صالحه الآن للنشر ؟
لا أعتقد لأنها تفتقد بعض مقومات القصيدة الجيدة
س: هل تأثر الشاعر عبدالكريم البدراني بشاعر معين ؟
ج: تأثرت بأكثر من شاعر ويعجبني كل شاعر له بصمة خاصة به
س: هل تؤيد طرح أولى المحاولات الشعرية لدى كل شاعر ؟
ج: حسب قناعة الشاعر ومستوى الطرح
س: ماهي اقرب قصيدة إلى قلبك ؟
كل قصايدي أعتبرها قريبة من قلبي وبدون تحديد
س: ماهي صفات القصيدة الناجحه برأيك ؟
ج: أكتفي بالقاعدة المعروفة ( الشعر ماهز وأطـرب)
س: هل الشعر موهبه أم وراثه ؟
قد يكون موهبة وقد يكون وراثة وقد تجتمع الموهبة والوراثة
س: في بداياتك هل تعرضت للنقد ؟
ج: طبعاً تعرضت للنقد وإستفدت منه
س: في الوقت الحالي هل تستشير أحد في قبل نشر قصائدك ؟
ج: نعم أستشير من أثق به وإستفدت الكثير من الاستشارة
س: إلى من يميل الشاعر عبدالكريم البدراني إلى المدرسة التقليدية أم المدرسة الحديثه ؟
ج: التقليدية
س: مارأيك بالمدرسة الحديثه؟
ج: ينطبق عليها ماينطبق على المدرسة التقليدية منها الجيد ومنها الاقل من جيد
س: هل أثر الشعر الشعبي على الشعر الفصيح وكان سبباً في إضمحلاله ؟
تقريباً لان الشعر الشعبي هو الاقرب لبيئة أكثر جمهور الشعر والشعر الفصيح له جمهوره وله محبيه
س: هل الشعر الشعبي محارب ؟
ج: لاأعتقد ذلك فهو يعيش الآن عصره الذهبي
س: هل يعاب على الشاعر الذي يبيع قصائده ؟
ج: بيع القصيدة من منظوري الشخصي خطأ بحق الشعر والشاعر والمتلقي
س: هل قابلت الاستفزاز يوما ما بهجائية ؟
ج: الهجاء غرض من أغراض الشعر ويلزم الشاعر إذا كان للدفاع عن دينه أو وطنه أو قبيلته أو نفسه
س: تشابه بعض الابيات عند الشعراء هل هو توارد أفكار أم سرقة ؟
ج: كل الإحتمالات موجودة وهذا شي يرجع للشاعر والنوايا لايعلمها الا الله
س: مارأيك بالمسابقات الشعرية بشكل عام؟
تخدم الشاعر وفي نفس الوقت لاتنصف اذا كانت تعتمد على تصويت الجمهور
س: ماهي ملهـمة الشـاعر عبدالكـريم البدراني ؟
البراد الي يذعذع والخلا والقمرا
تسعف الشاعر وتضبط جوه المتعكر
والبيوت الي من الاحساس ماهي ضمرا
نوب تستدرج خيال الفكر قبل أفكر
س: ماعلاقة الشاعر أبو بجاد بالانترنت ؟
ج: جيدة نوعاً ما
س: مارأي الشاعر عبدالكريم ايهما أفضل الديوان الالكتروني أم الكتابي ؟
بالتأكيد الإلكتروني لسرعة الانتشار وسهولة التلقي
س:هل لديك ديوان صوتي ؟
ج: مستقبلاً إن شاء الله
س: ماهي هوايات عبدالكريم البدراني ؟
ج: المساحة الأكبر من الهوايات للشعر
س: مارأي الشاعر عبدالكريم البدراني بصحيفة حرب الإعلامية ؟
ج: منبر إعلامي ناجح بكل المقاييس خدم القبيلة بالشكل المطلوب ويدار من رجل ثقة وهيكل تنظيمي مميز
س: في نهاية اللقاء ماذا تريد أن تختتم به لقائنا هذا ؟
أشكر صحيفة حرب ممثلة بالاستاذالفاضل/ بدر العياضي وأشكر جميع أعضائها الأفاضل والشكر موصول لك أخي مشعل الطريسي معد هذا اللقاء
وصلى الله وسلم على نبينا محمد
__________________________________________
ياقصيدي لاتعذر ولو عذرك سمين=هاجسن يقصر عن الربع مافيه ثمرة
كلفوني بالمهمة وصارت فرض عين=والجمالة شف بالي وادورها دورة
والهجوس تلين القاسي الي مايلين=والقصيد تسوقه لمثل هاالليل شعرة
ياهلا يامرحبا عد دورات السنين=وعد مايمضي من الوقت يومه وشهره
ومرحبا واعداد ماهل همال الغشين=وعد ماضاقت بطون الشعاب من مطره
مرحبا والله يحيي وجيه الحاضرين=من ضميرن كل ماعاند القاف صخره
في لزوم اللابة الي مسماها ثمين=إسمٍ أوضح من سنا ضون براس ظهرة
الاسم حرب الحرايب وشاهدها يقين=يوم ساحات الميادين عجة وغبرة
الوثايق تثبت العلم والواقع يبين=والدلايل ترفع الراس وتزيد فخره
لجل عذبات الموارد وصلفات الحنين=كم عقيدن عن دياره طوى عفش سفره
لين حزنا الواد الاكبر من يسار ويمين=والديار الي نفود وقرارة وحجرة
قبل لايجمع معزي صفوف المسلمين=والقشر هفت ضعونه ولا ادار ظهره
وان ذكرنا الحاضر الي يسر الناضرين=حاضرن من وبل الامجاد ماجف نهره
ماكسبنا الاولة مرة ولا مرتين=لاغدا بالروس طنية وبالصوت جهرة
لاحتمى جو المنافس مابين الطيبين=قام من يقلط على الكاس ويجيب خبره
وكم حدينا السيف الاملح عن رقبت السجين=والتكاتف ماوقف قدم صعب الا قهره
منجزاتن مالها لاشبيه ولاقرين=سجل التاريخ منها ماعزه وعمره
_________________________________________________
ياكافل الارزاق ياعالي الشان=ياقاضيٍ مادون حسناك قاضي
فزعتك تغنيني عن فلان وفلان=لاصار بالدعوى سواد وبياضي
اليا خسر فزعاتك العبد خسران=لو يحتكر سوق الذهب والاراضي
والناس فزعتها على قدر الامكان=ماكل من تنصى تجي منه راضي
كم واحدن وقت الرخا ذيب وحصان=واليا نصاه العلم جاه انتفاضي
وكم واحدن جيبه من المال مليان=وراسه من علوم الرياجيل فاضي
ومن لايزين فعل يمناه مازان=ماكل طيرن يقدر الانتهاضي
والادمي عمره تقضيه الازمان=والغيب فوق الحرص والاعتراضي
الي مايضمن شوفة الصبح لابان=وشلون يضمن عمره الافتراضي
كم ديرتن قامت على جهد الايمان=والي بقى منها هشيمٍ قضاضي
تسفي عليها الي تقل شوب بركان=الي تحمس أوراق عشب الفياضي
عاشوا بها ثم أصبحوا كاينٍ كان=وحنا وراهم حاضرٍ عقب ماضي
أحفاد للجدان والصبح جدان=ولافيه جيل الا وراه انقراضي
لكن بين الوقت والوقت شتان=جا في رفيعات السهوم انخفاضي
أسماعهم تطرب على صوت الاذان=قدام تشجيع المجال الرياضي
ومادون مسجدهم حدايق وبنيان=الا وسوم عصيهم بالرماضي
وأذكارهم حيٍ صداها ليا الآن=يجبرك مبداها على الاحتفاضي
ويوم ان بقعاء شانها بالعرب شان=أمجادهم معها طوالن عراضي
وأطيب مراكبهم طويلات الارسان=الي من البصرة تجيب المقاضي
قدام لاتاطا ثراها المريكان=وقدام كف العرب يشظاه شاظي
وقدام تستفرس دراويش طهران=اهل الوجيه المكسفات الرفاضي
يوم انها عن زوبعة نجد مزبان=قبل دخول الفيصلي للرياضي
___________________________________________
الا يالله انا تحت هيبة سماك ضعوف=ولانعلم الخافي ولانضمن الخيرة
تدور السنين وغيبها ماهو بمكشوف=ومحاريفها مابين ضحكة وتكشيرة
وانا عبدك الي يحتويه الرجا والخوف=يقصر ويستغفر اليا شاف تقصيره
تحت كف غيثك مارتجى للبشر معروف=لو تنوشه صدوف الزمان ومقاديره
فزوع الخلايق للخلايق بروق صيوف=سوى فزعة الدندون ومعطر السيرة
رفيقن عن الاسناع شبحه ماهو مكفوف=يسند عليه الراي لامست الحيرة
هذا المكسب الي في حراه التعب مخلوف=تجارة وسيع العرف واطيب مشاويره
لو إن التجارة عند عبادة المصروف=لازاد الحساب وكثر الله دنانيرة
وجيهن يطلعها عن الواقع المالوف=مديح الكريم الي تعاقب مساييره
من فميهم قولة نعم عقدتن في صوف=لاهم وجهة الخاطر ولاهم خطاطيره
ضمير السنافي عن جنبهم يلوفه لوف=لو يعيش في دوٍ تماوح معاصيره
يعيش الكريم ومن كثر مايجيه ضيوف=كسب عملة الصلاخ وادمى سواطيره
ويعيش البخيل بقول عندي شغل وظروف=وعن اللازمة دايم يولم معاذيره
وترا الي مثل هذا لاعارف ولامعروف=لو إن اسمه يبروز على مدخل الديرة
|
